ÒGANIZASYON POU YON LÒT NÒDWÈS AN 2030

KOUT JE AK ENVESTIGASYON IJANT SOU KORIPSYON NAN DEPATMAN NODWES PEYI DAYITI. Sou sitiyasyon tèt chaje n'ap konnen nan Awondisman PòdePè ak nan tout Depatman Nodwès la, Nap amndew voye yon kout je pou nou tou souple. Paske popilasyon PodePe ak depatman Nodwes la bezwen rapò sou tout depans ak itilizasyon ki fèt de lajan TAX li.                                                                                                                                                                           ----------------------------- ------------------------------ ---------
Nan non tout moun Depatman Nòdwès, Nou Siyate Petisyon sa a, n'ap mete'w an konesans de kèk bagay dwòl ki pase nan depatman ki pi meprize nan peyi a ki se Nodwès nan kesyon koperasyon ak pwogrè politik, sosyal, kiltirèl ak ekonomik depatman sila. Nou rete kwè petisyon sa a ap metew sou bon pis ki ka kondui a ankèt serye, kote yon jou popilasyon Depatman Nodwes la ap konn kisa ki te pase e ki moun ki mele nan zak koripsyon sal sa yo ki dwe pini tankou jan sa prevwa nan lalwa. Nou menm sitwayen depatman Nòdwès la dwe jwenn plas lejitim pa nou nan leta a paske nou peye tax nou tankou tout lot depatman, pa nan sans bay yon ti group atoufè lajan pou gagote nan non nou men nan mete kanpe bon projè devlopman kanpe pou nou san demagoji ki pou rive devlope depatman nou an. Nòdwès ofri yon pil ak pakèt avantaj valab pou Ayiti paske nou se sèl grenn depatman nan peyi a ki gen twa (3) fasad ki bay sou lanmè. Si nou ta kapab vle itilize yo, sa sèlman te ka pèmèt nou jwenn yon endepandans ak fasilite pou nou jwenn finansman pou fini rès pwojè piblik yo.
A- Lè'n konsidere nan plen 21èm syek sa a, Politisyen peyi dayiti ap fe Depatman Nodwes ak tout peyi a Dayiti monte le syel pa do, nan chita fe manipilasyon etranje nan sevel yo.
B- Le-n konnen ke Po-de-Pè se cheflye Rejyon (Depatman) nòdwès la, ki jounen jodi a genyen anviwon 728.000 moun ladan-l dapre dènye rapò pa estimasyon ki soti pou 2016 la, pandan awondisman pòdepè an pou kont li genyen pase 462.000 moun, selon chif IHSI.
C- Dapre tout prezantasyon Depatman Nòdwès la disi lane 2030 kapab nan pi movez sitiyasyon a koz move travay ki komanse e ki pa fini e ki pou ta chanje sistèm ekolojik depatman sa a.
D- Le-n konsidere Lopital Imakile Konsepsyon, ki se pi gwo sant lopital nan depatman sa a, pa nan eta pou moun ta frekante'l akoz enfrastrikti sanitè ak pèsonèl ki pa egziste.
E- Lè'n konsidere ke menm you-n nan Komi-n Depatman Nodwes la pa genyen Anbilans.
F- Lè'n konsidere ke youn nan Komi-n Depatman Nòdwès la pa genyen Ponpyé
G- Lè'n konsidere ke youn nan Komin Depatman Nòdwès la pa genyen Elektrisite pou piti 8 ted tan sou 24 ale we poul ta 24 sou 24. Aloske Awondisman pòdepè a bezwen yon sistem Idro-Electrik pou pipiti 20 megawat pou satisfe li.
H- Lè'n konsidere pa menm you-n nan Komi-n Depatman Nòdwès la pa genyen yon bibliyothèk minisipal.
I- Lè'n konsidere ke youn nan Komi-n kotyè Depatman Nòdwès la pa genyen pò Komèsyal alewè pou yon waf ak pò Touristik ladan-l.
J- Lè'n konsidere ke Depatman Nòdwès la kom Depatman kotyè pa genyen yon Sevis Gad Kot ki pou siveye li e pou sekirize-l.
K- Lè'n konsidere ke Depatman Nòdwès la kom Depatman ki genyen anpil pitit li kap viv lot bor dlo te genyen yon Erpot Rejyonal, san explikasyon Otorite konsene yo femin li, jis poul pa kontinye satisfe pitit li ki deyor peyi a.
Pou site sa yo toujou... Men malgre sa, anpil gagòt, dezòd, koripsyon fet e kontinye ap fet sou do depatman Nòdwès la ki pa janm sispann, tandike kontinye rete Depatman ki pi meprize e ki pi sal nan Peyi a.
Nan ka sa a :
1- Malgre nan lane ki sot pase yo soti 2010 pou rive 2016, Administrasyon Marthely-Lamothe la te bay yon ti 5 milyon dola US ki pou te amenaje kek enfrastrikti nan Komi-n PòdePe a, Kob sa a ki depanse sou non kominote a pou yon swa dizan plan espesyal (...) Jiskaprezan pifò travay yo pa fini e pèsonn moun nan popilasyon an pa konnen ki kote rès kòb sa a pase? Antouka, nou menm siyate petisyon sa a ap reklame pou popilasyon popilasyon Pòdepè a pandan n'ap mande enstitisyon ke sa konsene yo pou ede nou konnen ak jwenn ki kote rès kòb la pase? E n'ap mande klè pou yo pran sanksyon kont tout moun ki ta fè rout kochi ak lajan taks nou an e pou retounen-l nan komi-n lan, pou fe travay komi-n la pou satisfe popilasyon an.
2- Foli fè lajan devan san gade dèyè sou nou nan Nodwes, nan kouri pou al fe yon goud sou 10 kòb,kote sou gouvènman ki pase a, yo enstale kèk ti grenn lanpadè nan vil pòdepè. Vòlò san fwa ni lwa dechepiye yo, lakoz pa gen you-n ki rete nan vil la ankò. a) Èske lajan saa pat ka sevi pou ranfòse kapasite prodiksyon EDH nan Awondisman PòdePe a pito? b) Èske se pat yon gaspiyaj ke Administrasyon Tet Kale Marthely-Lamothe la te bezwen fè ak lajan Tax popilasyon an nan achte ‪‎Lanpadè‬ sa yo ki pa rive itil nou anyen jodi a?
3- Malgre swadizan travay betonaj 13 kilomèt ri ki ta dwe fet nan vil la, Fi-m konstriksyon ki tap mete ti moso beton sa a potko menm fini, li te gentan ap kraze. E kote jiskaprezan travay sa yo pa fini. Nap mande : a) Èske Fim konstriksyon sa a te gen tout ekspètiz ke sa mande pou'l te fè travay sa a? b) Ki wol Injenye Depatmantal MTPTC nan epok la te ranpli nan sipevizyon travay sa a? c) Èske se pat yon gaspiyaj ki tap fèt sou non ti pèp la ki pou te fè lajan sa a al nan pòch gro chèf? d) Èske se bagay ti zanmi ki tap regle ant gouvènman pase a ak swadizan fim konstriksyon saa?
4- Gwo zotobre nan peyi a te di ke yo tap fè drenaj nan Vil PòdePè depi sou prezidan Préval la, ta koute 10 milyon Dola Meriken (US), depi avan travay sa a fini li te gentan pat itil popilasyon an anyen, okontrè sitiyasyon nou menm popilasyon Podepe a vini pi grav, Sa ki vini lakoz vil la ap plede inondè, kote li pa ka pran 15 minit lapli. a) Èske se pa't yon gaspiyaj? b) Èske se te tout kòb sa a vre ki te depanse pou te fè kalite travay la? c) Èske fi-m konstriksyon sa a te gen konpetans ase pou fè travay la?
5- Travay Reyamenajman Mache "Dumarsais Estime" ki nan ''rue Dumarsais Estime" ke tout moun rele Mache Anfè PòdePè a pa janm moute, pa janm desann depi anviron 2 zan. a) Kisa ki regle ak kòb saa? b) Kot lajan ki te dwe fè travay la? c) Nan men ki moun ou ki institisyon li ye? d) Se ki yes ki responsab?
6- Kominote a anvi konnen kisa ki regle ak 10 milyon goud gouvènman an te konn bay Depite a sou 4 an ki pase a? (2011-2015) Kisa ki te konn regle ak kòb sa yo?
7- Le nou konsidere Aewopò Rejyonal pòdepè a, se 3e aewopò ki te konn gen plis viziter pa mwa nan peyi a, jounen jodi a ki femen pou problèm enfrastrikti ak move pozisyo-nman li nan mitan vil PodePe a, Kote Ansyen Premye Minis Laurent Salvador Lamothe te pran yon 3 milyon dola ki pou te reamenaje li a te al mete "Île-à-Vach", kom kwa PodePe pa bezwen Aewopò. Puiske lajan sa a se lajan Tax Popilasyon an la li ye, kidonk n'ap mande pou Laurent Salvador Lamothe retounen 3 milyon dola sa a pou vini fè travay ke li te dwe fè a le pli vit ke posib. N'ap mande tou pou La jistis pase a laksyon sou dosye sa a si popilasyon an pa jwenn kob sa a nan 30 jou pou koz detounman de fon.
8- Le-n konsidere lajan ki pou te Reamenaje "Parc Nelson Petit-Frere" nan vil Saint-Louis du Nord, pèsonn pa konnen ki rout li pran.
Nan ka sa a : a) Nou menm popilasyon Nodwes peyi a anvi konnen kote kòb ki te la pou travay sa a pase? b) E nan men ki yes li yes ke-l ye Sil la toujou? c) E kilè travay reparasyon Pak espòtif sa a ap fini?
9- Lè nou konsidere pil ak pakèt tè leta ki te konn ap vann san gade dèyè nan depatman an san sosyete a pa janm konnen kisa ki fèt ak lajan yo e nan ki kondisyon tè sa yo ap vann.
10- Lè'n konsidere selon sa senatè Depatman Nòdès la, Jean-baptiste Bien-aimé ta deklare sou radio CARAIBES FM jounen vandredi 15 jiyè 2016 la, ke te gen plis ke 12 milyon goud ki te disponib epi ki te bay reamenajman Lopital Imakile Konsepsyon nan Vil pòdepè, Jiskaprezan okenn travay pa janm fèt, e se ak ke tounen pou yon moun ta al pran sevis nan Lopital sila. a) Popilasyon PodePe a ta renmen konnen nan men ki yes kob sa a pase? b) Popilasyon PodePe a ta renmen pou La Jistis pran sanksyon kont tout moun ki kinbe kob sa a nan men yo? pandan ke popilasyon PodePe a ak Depatman Nodwes la ap mouri nan move kondisyon pandan ke yo pa ka jwenn swen sante.
Popilasyon Awondisman PòdePe a ak tout Depatman Nodwes la anvi jwenn rapò sou depans ak itilizasyon tout lajan ki fè wout krochi sou non depatman Nodwes la ki te la pou fè travay travay nan depatman an.

Siyatè petisyon sa a se :